உலகின் முன்னணி தொழில்நுட்ப நிறுவனமாக கூகுள் விளங்கிவருகின்றமை தெரிந்த விடயமே.
இந்நிறுவனம் 2020 ஆம் ஆண்டில் மிகப்பெரிய சாதனை ஒன்றினை நிகழ்த்தியுள்ளது.
அதாவது இவ் வருடத்தில் உலக அளவில் ஏற்பட்ட கொரோனா தொற்று காரணமாக வீடியோ அழைப்புக்களுக்கு பெரும் வரவேற்பு ஏற்பட்டிருந்தது.
இதற்கான சேவையை Google Duo, Google Meet என்பவற்றினூடாக கூகுள் நிறுவனம் வழங்கிவருகின்றது.
இந்நிலையில் 2020 ஆம் ஆண்டில் இதுவரை 1 ட்ரில்லியன் நிமிடங்களிற்கு மேலாக இச் சேவைகளைப் பயன்படுத்தி வீடியோ அழைப்புக்கள் மேற்கொள்ளப்பட்டுள்ளதாக தெரிவிக்கப்பட்டுள்ளது.
இதேவேளை எதிர்வரும் 2021 ஆம் ஆண்டு மார்ச் மாதம் 31 ஆம் திகதிவரை நேர வரையறையற்ற சேவையினை பயனர்கள் பெற்றுக்கொள்ள முடியும் என கூகுள் தெரிவித்துள்ளது.
இதனால் அடுத்துவரும் சில மாதங்களில் மேலும் பல சாதனைகள் நிழ்த்தப்படலாம் என எதிர்பார்க்கப்படுகின்றது.
